Vern Kallenner: Plattdeutscher Tag in Sülbeck

Plattkürers, passet up! Dat gifft in‘ Schaumburger Land een Termin, den je inne Kallenners schriewen müet. An Sönndach, 19. August 2018 moaket de Arbaatskrink Plattdütsch vanne Schaumbörger Landschaft een plattdeutschen Dach rund ümme de Sülbcker Kerken.Dat fänget all freu an.

Kerken, Kürers, Kaffei und Kauken

Klocke taanen ist Kerken in Sülbcke. Et werd up platt esungen, ebetet un ouk epredigt. Dat moaket Hartmut Ahrens. De ist Pastur in Ruhe, was veele Joahre in Sülbeck un settet seck fer de Plege van Schaumbörger Platt in. Hei ehürt taun Arbaatskrink Plattdütsch.

Sau ümme vertel nea Ölm fänget de Offiziellen an, wat tau sejjen. Twischendüar speelt Museek. Doamie goaht de Dach los.

Vertel ver Twölwe gifft et wat tau Eeten.

Naamdaagesprojramm mie Museek, Beukers un Vertelln

Klocke einen müet je oaber sicher doa sejn. Denn fänget dat Naamdaagesprojramm an. Dr. Wilfried Darlath lest ut „De Schimmelrieder“ van Theodor Storm und ut „Suhl’n“.

De Landfruens loadet taun Vertellcafé inne. Doa droaht seck allet ümme Schaumbörger Schaulgeschichte(n).

Arnold Tieste vertellt jück wat van de Sülbcker Kerken bi den plattdütschen Kerkenrundgang.

Et gifft een Utstellung van den „Spurenseukers“ tau „Oole Schaulens in Schaumburg-Lippe“ un de „Liebensbiller up Platt in Bild und Ton“. De Schaumbörg-Lipper Heimatverein stellt sienen Aarbaatskrink „Plattdütsch“ ver.

Un denn küant je noch Beukers up Platt schmökern. Wenn dat nix is, weit eck ouk nich.

Von Klocke einen an gifft dat Kaffei un Kauken, je küant ouk blots taun Kaffei kuamen – dat is da recht idyllisch. Ver de Lütten gifft dat oak Belustigunge.

Ilka Bürggemann un Lars-Luis Linek sin ouk doa

Klocke dreie fänget denn Ilka Brüggemann tehope mie Lars-Luis Linek an. De boadn moaket plattdütsche Museek un het n poar Geschichten doabie. Eck glöve, de hür eck mej an. Dat Video bi YouTube klinget all janz schmissig.

Halwig fiewe finnet de Dach ’n Enne.

Wenn je up Hoch wat doatau lesen wollt, kejket moal

bie Schaumburger Landschaft verbie

innet Schaumburger Wochenblatt oder

inne Schaumburger Nachrichten. De het ouk all wat doatau emaaket: Zeit für Platt.

Und just eben noch dat Projramm.

3 Gedanken zu „Vern Kallenner: Plattdeutscher Tag in Sülbeck“

  1. Dat gefällt mi richtig goat wat ji hier schribet. Eck freue mi all wenn wie am 23.02. Toahope bi üsch den Soal rocket denn: platt lacht etwas seck beter. Wenn de erste plattdüsche Karnevalssitzunge in wölpinghusen startet. Bett doa henn bliebet jesund dat wünschet jück sölters Wilhelm

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.