Wat ver en Sommer

Dat is hea en Susen un Brusen rund ümme dat Huus – düsse Wiaken het seck de Sommer und de Herbst just edräpen, eben allet mien Wea un de Natur affekaspert un denn äver Nacht de Plätze ewesselt.Wejen meiner schall dat sau sejn – denn nu is genauch Tied, vern Tachblog allet inne Tasten tau klimpern. Denn wi würn de lessten Wieken ünnerwejens – het Lüe edräpen un Platt eküret.

Bi`n plattdeutschen Tach in Sülbke het wi n bittchen rümmequasselt un esungen. Up´n Ahnebeier würn wi ouk – Christian het n poar mier as eck miemaket. Up´n Kapellenwagen. Doafer wür eck janz komidig bi´n Kaffeidrinken und hebbe doa mie sesse Kirels äver Platt ekürt. Ne neje Tasse vern Schapp hebbe eck nu ouk.

Ne annere Variatschon van „Lüttsche Burmeike van Dörpe“ gifft dat in Schaumburger Land ouk noch – da sin wi dichte dran. Oaber ok digital sin neje Entdeckungen doabie – de goaht eis eenmol rund ümme de janze Welt. Platt is internatschonal. Het je dat all ewusst?

Doarup könnt je jück all instellen. Un wenn allet sau hinkuamt, as wie üsch dat utedacht het, dann küant je ouk wat hürn. Dat duart oaber n lüttschen Moment – dat mot ja ouk klingen.

Hea kuamt n poar Billers van düssen grootatigen Sommer ut´n Schaumburger Land. Veel Spass.

Kommentar verfassen